万众期待的《香港小姐竞选2024》今日（17日）进行首轮面试，作为选美盛事，一众候选佳丽都以最完美状态现身。
TVB今年照旧安排传媒在电视城门口采访参赛者，唔少候选佳丽都大方企定定同大家打招呼兼自我介绍，认真有香港小姐嘅风范！
以下将会为大家整理今届嘅参选佳丽，唔知大家又觉得点呢！
今日到场参加面试的一众参赛者中，不过首轮面试嘅现场除咗有仙气十足的靓女外，亦有唔少“何太级数”佳丽……
当中除咗有妆容风格超级出众嘅参选者之外，仲有服装都极其令人印象深刻嘅代表…
22岁嘅Regina来自北京，素颜上阵嘅佢今日以一身黑白色长裙示人，不过就唔及手上的黄色环保袋抢眼~25岁嘅吴楚婷喺教大读紧设计，以斯文打扮登场嘅佢今日嘅服装未见有咩设计，仲超随性嘅直接将外套搭係膊头上面，完全零包袱！不过就有网民话楚婷有啲撞样郑则士同埋野口同学…
读art嘅Scarlet做访问时超级兴奋，当赖彦妤问佢个妆係唔係自己化时，佢就卖关子叫大家估吓，仲话自己想做全能嘅艺人添！
28岁嘅Michelle今年“踩线”参选港姐，不过唔太识听广东话嘅佢就有啲答非所问，十分搞笑！25岁嘅Rain（左）着住舞衣到场嘅佢似乎随时都可以开始才艺表演。而右边貌似混血嘅参赛者就只係透露自己18岁，睇嚟真係十分紧张！
仲有网民搞笑留言话呢位18岁参赛者係嚟返工，更被官方回复“人家来选美的”。
26岁任职文员嘅Queenie今日打扮得相对保守，以工作装出席面试嘅佢唔肯透露有冇带战衣，净係话有带正常要求嘅物件…24岁嘅Melody来自甘肃，除咗样貌令人印象深刻之外，佢大腿上嘅纹身同样十分抢镜，不过佢就唔肯透露纹身係唔係真...今年的参赛者中不乏高质靓女，有不少饼印艺人，翻版陈法拉、翻版何依婷、翻版Juliana等。
当中较为养眼嘅有从美国回港的17岁中美混血儿Aisha，一出场用唔咸唔淡中文介绍自己，见佢入面穿上火红比坚尼上阵，十分性感，“鬼妹仔”美貌更似名模乐基儿！
身材出众嘅Rainie，读咗两个master，啱啱搵紧工，打算趁搵工前参选港姐挑战自己！
23岁嘅张安妮从温哥华返嚟，修读处理系，曾经喺温哥华选过华姐。 来自惠州的Chloe笑容甜美，同样都係23岁！
其他养眼参选者： 文章来源于香港有乜睇，如有侵权请联系删除。本文仅代表作者观点，不代表大湾网的观点立场。
| 
